இருக்கை,,,,,,

  

மர ஸ்டூலின் மீது இருந்த

ப்ரவ்ன் கவரின் ஓரத்தில்

தெரிந்த உருவம்

என்னைப்பார்த்து சிரித்ததாய் ,

நலம் விசாரித்ததாய்,

நட்பு பாராட்டியதாய்,

கனிவு ததும்பி பார்த்ததாய்

தெரிந்தது எனக்கு/

பூப்பூக்கும்

மெல்லிய ஓசையையும்,

மொட்டவிழும் மென் நேரமும்,

அதிகாலை சேவலின்

கணம் மிகுந்த கூவலும்,

கூதல் பறவைகளின்

ஓசையற்ற பறத்தலும்

ஒரு சேர தோன்றி

மறையச் செய்த உருவம்

என் மனதுக்குப் பிடித்ததாகவே

இருந்தது எப்போதும்.