பச்சாதாபம்,,,

கால் பரப்பிப்படுத்துக்கிடந்த
நாய்க்குட்டிகளை
கனத்த குரல் கொண்டோ
மென்மை காட்டியோ
விரட்ட எத்தனிக்கிறேன்.
முந்தைய தினங்களுக்கு
முந்தைய தினங்களிலான
இரவுகளிலும் பகலிலுமாய்
கொட்டப்பட்டிருந்த மணல்
கால் பாவிக்கிடந்த இடத்தின்
அருகாய்காட்சிப்பட்டிருந்த
கட்டிடத்தின் பிம்பம்
என்னைப்பார்த்து கண் சிமிட்டி சிரிப்பதாக.
உந்தி மிதித்த இரு சக்கர வாகனத்தின்
விசைஎன்னைக்கூட்டிக்கொண்டு போய்
வந்து சேர்த்த பின்புமாய்
அதே இடத்தில் அதே நாய்கள்
கால் பாவியும் இளைப்பாறியுமாய்,,/
குவித்துக் கொட்டப்பட்டிருந்த
மணலின் நடுவிலாக/
இப்பொழுது முன்பு பார்த்ததைவிட
சற்றே இளைத்தும்,பரிதாபம்
காட்டியுமாய்,,/