கனவுகளின் வெளியூடாய்,,,,,,/

கனவில் ஒரு பன்றி வருகிறது.
அசப்பில் பன்றி போலில்லாமல்
வேறு ஏதோ ஒன்று போல
தரையோடு தரையாய் ஊர்ந்து வருகிறது.
வாசலிருந்து படியேறி வந்த அது
தரையூன்றுயிருந்த என் கைமீது
முகத்தைச்சாய்த்து கண்ணீர் விடுகிறது.
இப்பொழுதுதான் தகவல் வந்தது
நண்பனின் செல்போன் மூலமாய்
சென்ற வாரத்தின் இறுதியில்
உனது தந்தை இறந்து போனாராமே
அன்றே வந்து பார்த்திருக்க வேண்டும்உன்னை,
தகவல் தெரியாததல் வரவில்லை,
உனக்கு ஆறுதலும் சொல்லி விட முடியவில்லை.
அதனால் உன்னிடம் மன்னிப்புக்கேட்டுக்கொள்கிறேன்.
இனிஉனக்குப்போகவும் இடமில்லை.
உறவென சொல்லிக்கொள்ள யாருமில்லை.
ஆகவே நீ இருப்பிடம் தேடி
வேறெங்கும் போய் விட வேண்டாம்
இரு இனிமேல் என்னுடன்,,,,எனச்சொல்லி
கனவில் வந்து கண்ணீர் விட்ட
பெயர் தெரியாத மிருகத்தை
தடவிக்கொடுக்கிறேன் வாஞ்சையுடன்,,,/