மழை,,,,,

மழைபெய்து கொண்டிருக்கிறது,

வானத்திற்கும் பூமிக்கும் நெசவிட்ட

வெள்ளிக் கம்பிகளாய்/

நான் போய்க்கொண்டிருக்கிறேன்,

வகிடெடுத்தது போல் நேராயும் நீளமாயும்

ஓடிவிரைகிற சிமிண்ட் சாலையில் அதன்

கைபிடித்துக்  கொண்டும் மேடு பள்ளங்கள் கடந்தும்

அதில் விழுந்துமாய் போய்க்கொண்டிருக்கிறேன்.

அதுவரையிலுமாய் நெசவிட்டிருந்த

வெள்ளிக்கம்பிகள் கொஞ்சமாக வளைந்து வளைந்தும்

நெளிந்து நெளிந்துமாய் படம் காட்டியும்

சூறைக்காற்றுடன் கலந்து வீசியுமாய்

முகத்தில்அரைகிறது.

அரைகிற தண்ணீர் ஹெல்மெட் தாண்டி

அதன் ஜில்லிடலை உணர வைக்கிறது.

உணர வைத்த ஜில்லிடல்

தண்ணீராய் பெருகி சாலை மற்றும்

தெருவோரங்களில் ஓடி காட்சிப்படுகிறதாய்/

காட்சிப்பட்ட தண்ணிரின் ஊடாக

இரு சக்கர வாகனத்துடன் நீந்திக்கடந்த போது

இடைப்பட்ட இடமாய் காட்சிப்பட்ட இருப்புப்பாதையை

கடக்க முயல்கிற போது எதிர்ப்பட்ட

இருசக்கர வாகனத்தில் கணவனும் மனைவியும்

கைக்குழந்தையுமாக வந்தவர்கள்

தண்டவாளம் இடறி கீழே விழுந்து விட

ஓடோடிப்போய் தூக்கி விட்டபோது,,,,,

குழந்தைக்கு ஏதும் அடிபட்டி விடவில்லை.

நன்றி என கையெடுத்துக்கும்பிட்ட தாய்

வெளியில் பெய்த மழையை கண்களில் வாங்கிக்கொள்கிறாள்.