பூக்கொல்லை,,,,

விடுமுறை தினமென்றாலே

தனி அடையாளத்தை

பூசிக்கொள்கிறது சாலை.

டீக்கடைகளிலிருந்து பள்ளிக்கல்லூரி வரை

எங்கும் கூட்டமில்லாததும்

சாலையில் இல்லாமலிருக்கிற

நடமாட்டமும் காற்றில்லாத பலூனைப்போலவே/

சாலை,சைக்கிள்கள்,அதன் மீது

சீருடை அணிந்த பூங்கொத்துகளாய்

நகர்கிற மாணவ,மாணவிகள்

அவர்களை சுமந்து நகர்கிற பேருந்துகள்

இவை ஏதுமற்று இருக்கிற

சாலையின் இயக்கம்

விடுமுறை தினமென்றாலே

தனி அடையாளத்தை பூசிக்கொள்கிறது.

பட்டாம் பூச்சிகள் பறக்காத ,பூக்களற்ற

          வெற்றுத் தோட்டதைப் போல/