வர்ணம்,,,,,,

நேற்றைக்கு முன்தினம் இரவில்

எனது மனைவியை அழைத்துக்கொண்டு

மருத்துவரிடம் சென்றிருந்தேன்.

தற்போது மருத்துவமனையாக

இருந்த இடம் நாங்கள்

பத்து வருடங்கள் முன்பு

குடியிருந்த வீடாக இருந்தது.

திருமணம் முடித்து,பிள்ளைகள் பெற்று

அவர்களை படிக்க வைத்து

அவர்களது சுக துக்கம் பார்த்து

வளர்த்து,ஆளாக்கி சமைத்து

உண்டு உறங்கி,,,,,,,,,,,,,,,,,,,,என

வெகுநாள் வரை குடும்ப வாசனை

வீசிய வீட்டில்,,,,,,,,,,,,,,,,,,,,,,,,

இப்போது மருந்து வாசனையும்,

நோயாளிகளின் முனகலும் மட்டுமே கேட்கிறது.

மருத்துவரிடம் மனைவியின்

உடல் நிலை காட்டி விட்டு

மருந்து,மாத்திரை வாங்கிக்கொண்டு

கிளம்புகையில் கவனிக்கிறேன்.

பெயிண்ட் உதிர்ந்த சுவரில்

4...1,,5,,2.,,6..,7 அ,,ஆ,,இ,,ஈ என கிறுக்கலாய் /

எழுதப்பட்டிருந்த பென்சில் எழுத்துக்களை/