நூலறுந்து,,,,,,,,,,,

அரசு நூலகத்தின் கிராமத்துக்கிளையில்

பணிபுரிந்தவள்  அந்த நூலகத்திற்கு

வருகிற உறுப்பினர்களுக்கு

நாவல்கள் எடுத்துக்கொடுத்தாள்.

சிறுகதை நூல்கள் படிக்கக்கொடுத்தாள்.

கவிதை நூல்களையும் கட்டுரை நூல்களையும்

அறிமுகம் செய்து வைத்த அவள்    

வாழ்க்கை வரலாறு நூல்கள் கேட்கையில்

எடுத்துக்கொடுக்க சிறிதே தயக்கம் காட்டுகிறாள்.

நான்காம் வகுப்புப்படிக்கிற பெண்குழந்தையுடனும்,

இரண்டாம் வகுப்புப்படிக்கிற ஆண் மகவையுடனுமாய்

தன்னை நிராதரவாய் நடுவீதியில் நிர்கதியாய்

விட்டுவிட்டுச்சென்று விட்ட கணவனைஎண்ணியும்

குழந்தைகளின் எதிர்கால வாழ்வை நினைத்துமாய்

அன்றாடங்களில் கவலை சுமந்து கொண்டிருக்கிறஅவள்

தன் வாழ்க்கை வரலாறை நினைத்து

பிறரது வாழ்க்கை வரலாறு நூல்களை

எடுத்துத்தரவும் பரிந்துரைக்கவுமாய் தயங்குகிறாள்.