ஞாபகமறதி,,,,,

  

பேருந்தின் ஒலியையும்,

நடத்துனர் டிக்கெட்

கேட்ட சப்தத்தையும்

தவிர வேறொன்றுமில்லை.

கலர்,கலராக

துணி போர்த்தியிருந்த

இருக்கைகள் மனிதர்களையும்,

அவர்கள் சுமந்த எண்ணங்களையும்,

உடைமைகளையும் சுமந்தபடி/

அதிகாலை நேரமாகையால்

அனேகமாக

அனைவரும் உறங்கி விட்டிருந்தனர்.

பேருந்து உமிழ்ந்த

விளக்கு வெளிச்சசத்தில்

சாலையின் தெளிவும்,

அதிகாலையின் சுகந்தமும்/

பேருந்தினுள் ஒலித்த பாடல்கள்

ஒவ்வொன்றும்

ஒவ்வொரு நினைவுகளை

சுமந்து வந்து என்னில் தந்தபடி/

பயணம் சுமந்த சமகாலத்தைய,

பழைய காலத்தைய

நினைவுகளையும்

நினைவிகளை சுமந்த

பயணத்தையும்,,,,,,

அசைபோட்டவாறே 

பயணித்துக் கொண்டிருக்கையில்தான்

எனது மனைவியிடமிருந்து

போன் வந்தது,

பஸ் ஏறிவிட்டீர்களா என/

பஸ் மட்டும் ஏறவில்லை அன்பே

சந்தோசமாகவும்

பயணித்துக்கொண்டிருக்கிறேன்

என சொல்ல வந்த நான்

தூக்கத்திலிருந்து படக்கென

விழித்துக்கொண்ட

அருகாமை இருக்கை

குழந்தையை பார்த்தவாறு

மெய் மறந்தவனாய் நிற்கிறேன்/