புகைக்கூடு,,,,,,,,,

இல்லாத சிகரெட்டை

சட்டைப்பையிலும்,கால்சராய் பையிலுமாய்

தேடி அலுத்துப்போன அவர்

அருகிலிருந்தவரிடம் பீடி வாங்குகிறார்.

அவர் லுங்கி தூக்கி அண்டர்வேர்பையிலிருந்து

எடுத்துக்கொடுத்த பீடி

கொஞ்சமாய் நனைந்திருக்கிறது.

முயற்சி செய்து,முயற்சி செய்து

பற்றவைக்க முடியாமல்

மென்சோகத்துடன்

பீடியை தூக்கி எறிய ஓங்கியகையை

பீடி கொடுத்தவர் பிடித்துக்கொண்டு

தூக்கி எறியாதீர்கள் தயவு செய்து,

அடுத்த மழைநாளொன்றில்

யாருக்காவது கொடுக்கவோ

எனக்கோ உதவக்கூடும்.