Dec 17, 2014

நலம் கெட புழுதியில்,,,,,,,,,


                      
·         ஹலோ,ஹாய்.நாங்க..........டீ.வியிலயிருந்து பேசுறோம்.
·         வணக்கம் நல்லாயிருக்கீங்களா?
·               ஓ/நல்லாயிருக்கேன்.
          ஒங்க பேரு?
·               ...................................../
·         ஓ,ஸ்வீட் நேம்.
       வீட்ல எல்லாரும் நல்லாயிருக்காங்களா?
·               நல்லாயிருக்காங்க/
·         என்ன பண்ணிக்கிட்டு இருக்கீங்க?
·              சமையல் பண்ணிக்கிட்டு இருக்கேன்/
·         வெரிகுட்.என்ன சமையல்?
·              தோசை சுட்டுக்கிட்டு இருக்கேன்.
·         வெறும் தோசையா? ரவா தோசையா?
·             வெறும் மாவு தோசைதான்/
·         எத்தன சுட்டுருப்பீங்க?
·          இப்பத்தான்ரெண்டாவதுதோசையஎடுத்துட்டுஸ்டவ்வ அணைக்கப்போறேன்/
·         என்னது ரெண்டு தோசைதானா?ரெண்டு தோசை எப்படிக்காணும் உங்களுக்கு?
·              எனக்கில்ல,ஏன் ரெண்டாவது பையனுக்கு/
·         அப்ப ஒங்களுக்கெல்லாம்.....?
·              அவருக்கு தோச,இட்லி எப்பவுமே ஆகாது.சோறுதான்.என்ன சாப்புட்டாலும் ஒருகை சோறு சாப்புட்டாத்தான் அவருக்கு சாப்புட்ட மாதிரி இருக்கும்.
பெரியவளுக்கு இட்லி,இப்பத்தான் ரெண்டு தட்டு வேக வச்சு யெறக்குனேன்/
·         அப்ப ஒங்களுக்கு?
·               எனக்குன்னு பிடிச்சது எதுவும் இல்லன்னு ஆகிப்போச்சு,இட்லியில ரெண்டு மிஞ்சும்.தோசைய பாதி அப்பிடியே வச்சிருவான் பையன்.அவருக்கு நான் பக்கத்துல ஒக்காந்தாத்தான் சாப்பாடு யெறங்கும்.அப்பிடியே அதுல ரெண்டு கவளம்.எல்லாம் கலந்த கதம்பமாத்தான் ஏன் விருப்பம் எப்பயும் விரிஞ்சிருக்கு/
·         மணி ஏழரைதான் ஆகுது, அதுக்குள்ள காலை டிபனுக்கு ரெடியாயிட்டீங்களா?
·               இல்ல அதுக்குள்ள எங்க ரெடியாக.......?அவருக்கும்,பிள்ளைகளுக்குமா போட்ட டீயிலயும்,பால்லயும் கொஞ்சம் மிச்சமிருக்கு.ரெண்டையும் கலந்து ஊத்தி கூடக் கொஞ்சம் டீத் தூளப்போட்டு கொதிக்கவச்சி குடிக்கப்போறேன்/
·         அப்படியா,இதுவும் நல்ல ஐடியாவா இருக்கே?
·              நான் மட்டும் இல்லைங்க,நம்ம குடும்பங்கள்ல முக்காவாசி பெண்களின் நிலைமையும் இதுதாங்க/
·         அப்பிடியா, ரொம்ப சந்தோசம், தினசரி காலையில எத்தனை மணிக்கு
எழுந்திருப்பீங்க?
·              அதிகாலை அஞ்சு,அஞ்சேகாலுக்கு/
·         அவ்வளவு சீக்கிரம் எந்திருச்சுருவீங்களா?ரொம்ப சுறுசுறுப்பா இருப்பீங்க போலிருக்கே?
·              ஹீம்.....அப்பிடியெல்லாம் ஒண்ணும் இல்ல.அந்நேரம் எந்திருச்சாத்தான் வீட்ல அவ்வளவு வேலைகளையும் செஞ்சி முடிக்க  முடியும்/
·         சபாஷ்,நல்ல பதில். அவ்வளவு வேலைன்னா எவ்வளவு வேல?
·   காலையில எந்திரிச்சதும் அடிச்சிப் புடிச்சிப்போயி பால் வாங்கீட்டு வருவேன். அப்பறம்அடுப்பபத்தவச்சிபாலவச்சிட்டு,ரோட்லவர்ரட்ராக்டர்லரெண்டுகொடம் தண்ணிபிடிக்கப்போயிருவேன்.தண்ணி புடிச்சிட்டுவந்துஅதயெறக்கி வச்சிட்டு ஸ்டவ்வோடஇன்னொருபக்கம்சோறுவச்சிட்டுபக்கத்துல கரண்ட் ஸ்டவ்வுல இட்லிக்கு ஊத்திவச்சிட்டுவாசலுக்குப்போயி கோலம் போடப்போயிருவேன்/
·     என்னது கேஸ் ஸ்டவ்வு பக்கத்துல கரண்ட் ஸ்டவ்வா?அப்பிடி வைக்கக் 
    கூடாதுன்னு சொல்வாங்களே?
·  என்ன செய்யச்சொல்றீங்க?அப்பிடி வச்சாத்தான் சீக்கிரம் சமையல் முடிச்சி அவுங்கள ஆபீசுக்கும்,புள்ளைங்கள பள்ளிக்கொடத்துக்கும் அனுப்ப முடியும்.
வாசல்ல கோலம் போட்டு முடிச்ச கையோட வந்து டீ,பாலு கலந்து பிள்ளைகளையும்,அவரையும் எழுப்பி குடுப்பேன்.அப்பிடியே நானும் ஒரு வாயி/
குடிச்சிட்டு இருக்கும்போதே சட்னிக்கு ஓடிக்கிட்டு இருக்குற மிக்ஸிய ஒரு பார்வ பாத்துக்கிட்டு மோட்டாரப் போட்டு டேங்குல தண்ணி யேத்தணும். இத்த ன ஓட்டத்துக்கும் மத்தியில நான் பாத்ரூம், பல்விளக்கல் எல்லாம் முடிக்கணும்/
·         ஓ......../இவ்வளவு செரமமானதா ஒங்களோட காலை நகர்வு.அப்பிடின்னா நீங்க ஒரு இரும்பு பெண்மணிதான்.வெரிகுட்,வெரிகுட்,,,,,ஒங்க வீட்டுக்காரரு எங்க வேலை பாக்குறாரு?
·              அவரு........................டிபார்ட்மெண்டுல வேலை பாக்குறாரு/
·         புள்ளங்க என்ன படிக்குறாங்க?
·              மூத்தவ காலேஜ் போறா.சின்னவன் ஏழு படிக்கிறான்.
·         ரொம்ப அளவான சந்தோஷமான குடும்பம்னு சொல்லுங்க,ஆமாமாம்/நீங்க வேலை பாக்குறீங்களா?ஹௌஸ்வொய்பா.......?
·              நான் ..............................டிபார்ட்மெண்டுல வேலை பாக்குறேன்/
·         தப்பாநெனைக்கலைன்னாஒங்ககிட்டஒன்னுகேக்கலாமா மேடம்?
·              ம்ம்ம்.......தாராளமா............../
·         ஒங்கள விட ஒங்க கணவர் அதிகமா சம்பளம் வாங்குவாரா,இல்ல ஒங்க கணவர விட நீங்க சம்பளம் அதிகமா வாங்குவீங்களா?
·             ம்ம்ம்........யாருஅதிகமாவாங்குனாஎன்னங்க,எல்லாம்எங்ககுடும்பத்துக்குதானே
பயன்படுது/
· பாத்தீங்களா,பாத்தீங்களா,,,,சிரிச்சு பேசி மழுப்புறீங்களே,சும்மா சொல்லுங்க, யார் வாங்குறது அதிகம்?
·              நீண்ட மெளனத்திற்கும் தயக்கத்திற்கும் பின் பதில் வருகிறது.
·             அவரவிட எனக்கு கொஞ்சம் சம்பளம் ஜாஸ்திதான்/
·         பாத்தீங்களா,பாத்தீங்களா பேசிக்கிட்டே இருந்ததுல ஒங்களுக்கு என்ன பாட்டு பிடிக்கும்னு கேக்க மறந்துட்டேன்.
·         கொஞ்சம் இருங்க, அடுப்புல ஏதோ தீயிற வாசம் வருது.என்னன்னு பாத்துட்டு வந்துர்ரேன்.

2 comments:

  1. போச்சி...! மறந்தே போச்சி...!

    ReplyDelete
    Replies
    1. வணக்கம் திண்டுக்கல் தனபாலன் சார்,
      நன்றி வருகைக்கும்,கருத்துரைக்குமாக/

      Delete