தூறல்,,,,,

சிதறிகிடக்கிறது வாழ்க்கை.

வேப்பம் பழம் பொறுக்கும் மூதாட்டி/

                      =====

நெடித் துயர்ந்து நிற்கிறது மரம்.

நிழல் தேடி ஓடிக்கொண்டிருக்கும் நாய்/

                      =====

பூத்து மலர்ந்து நிற்கிறது செடி.

ஒற்றை ரோஜாவை தலை முடியில்

சொருகியொருக்கும் சிறுமி/

                      =====

படர்ந்து நிற்கிற கொடி,

வீதியில் பார்த்த நண்பர்./

                     =====

வெடித்து சிதறியிருக்கிறது மண்.

பொக்கை வாய் சிரிப்புடன் குழந்தை/

                    =====

மண்கீறி துளிர்க்கிற செடி.

மருத்துவச்சி கையில் குழந்தை/

                   =====

சிதறிக்கிடக்கிற மண்.

தூரத்தில் நடந்து செல்கிற மனிதர்கள்/

                   =====

உயர்ந்து நின்ற வீடுகள்.

சுவரை ஒட்டி ஊர்ந்த எறும்புகள்/

                   =====

நடந்து செல்கிற பாதசாரிகள்.

கலர்க்கலராய் பூத்து நிற்கிற மலர்ச்செடிகள்.

விரிந்து கிடக்கிறது வீடு.

வீதி முனையில் அடிக்கப்பட்டிருக்கிற

சாலையோர வியாபாரியின் டெண்ட்/

                 =====

நடு வீதியில் இரு சக்கர வாகனம்.

தவழ்ந்து படியேறுகிறது குழந்தை/

                 =====

நகர்கிறது பேருந்து.

பேசிக்கொண்டே செல்கிற பெண்கள்/

                =====

கடையினுள் அடுக்கப்பட்டிருக்கிற புத்தகங்கள்.

மனதினுள்ளே விரிகிற கதைகள்.

                 ======

நண்பணின் அழைப்பொலி.

மயிலிறகு ஒன்று வருடிவிட்டுச்

செல்கிறது மெலிதாக/

                 ======

விரிந்து செல்கிறது சாலை.

பறந்து செல்கிறது பறவைகள்/

                ======

தேநீர் கடை முன் கூட்டம்.

நிறைந்தோங்கி தேங்கியிருந்த உழைப்பின் வாசம்/

                   ======

விறைந்து கடக்கிறது வாகனம்.

பறந்து செல்கிறது பறவை.

அருகில் எரிபொருள் நிரப்பும்

நிலையம் ஏதுமில்லை/

                  =====

மலர்ந்திருக்கிறது மண்.

காற்றில் கலந்து வருகிற மழை வாசம்/