இயல்பு,,,,,

அவனது இயல்பே அப்படியாய்/

அக்கம் பக்கம் சுற்றம் தோழமை,

மட்டுமென இல்லை.

முகம் தெரியாதவர்களிடமும் கூட

அன்பாகவும் நட்பாகவும்,பிரியமாகவும்தான்

பேசுகிறான்.பழகுறான்.

அவன் அதிகமாக படிக்கவில்லை.

அரசு வேலையில் இல்லை.

கை நிறைய சம்பாதிக்கவில்லை.

வங்கிக்கணக்கு,சேமிப்பு,,,,,,,எதுவும் இல்லை.

சொந்த வீடு,நிலம் என எதுவும் இல்லை.

தனது பிள்ளைகளை இங்கிலீஸ் மீடியத்தில்

படிக்க வைக்கவில்லை.

அவனது வீட்டில் நவீன

சமையல் சாதனங்கள் இருந்திருக்கவில்லை.

அவனிடம் காணப்படாத படோடோபம்

யாரையும் ஈர்த்திருக்கவில்லை.

அவனது பொதுவான படிப்பும்,அறிவும்

அவனை தனித்துவப்படுத்திக் காட்டியது.

ஆகையால் அவன் அதிகம்

சம்பாதித்திருந்தது நண்பர்களையே/