சோத்துப்பருக்கை,,,,,,,

அள்ளித்தின்ற ஒரு கவளம் சோற்றினுள்

புதைந்து தெரிந்த முகங்கள்

 ஈரம் சுமந்ததாயும் வாஞ்சைமிக்கதாயுமாகவே/

உழுதவர்கள்,விதைத்தவர்கள்,

அறுவடை செய்தவர்கள்

வாரி எடுத்து களத்தில் சேர்த்தவர்கள்

அதை  நெல் மணிகளாய் சேர்த்தெடுத்தவர்கள்

என அத்தனை பேரின்

வியர்வை ஓடி பிசுபிசுத்த கரங்களும்

உழைப்பு மிகுந்த உடலுமாய்

சேர்த்து முழுதாய் உருத்தெரித்து,,,,,,,,,,

நான் அள்ளித்தின்கிற சோற்றில்

புதைந்து தெரிந்த முகங்கள்

 ஈரம் சுமந்ததாயும், வாஞ்சைமிக்கதாயுமாகவே/