சாலை

 ____________::           :: 👀👀👀

சாலையின் வலதுபுறமிருந்த 

அரசு அலுவலகத்திலிருந்து வெளிவருகிறேன்.

அரசு நடப்பு தாங்கி!

அதென்ன  வலது புறம்?

இடது புறத்தில்தான்

பேருந்து நிறுத்தமும்,

அதையொட்டிய கறும்புச்சாறுக்கடையும்

அதன்பின்னிருந்த புங்கை மரத்தில்

அமர்வு கொண்ட ஒற்றைக்காகமும்

அச்சிடப்பட்டுத்தெரிகிற போது 

அவ்வலுவலகம் வலப்புறமாகவே இருந்துவிட்டுத்தான் போகட்டுமே,

மனிதர்களை கொண்ட இடம் அலுவலகங்களாயும்,

கூடவே பறவைகள் கைகோர்த்து காணப்பட்ட இடம் புங்கமரமாயும் 

இருந்த போது,,,,

எது எப்பக்கமாய் இருந்தால்தான் என்ன?

என்ன கெட்டுவிடப்போகிறது பெரிதாய்,,,?

அதுவும் நதி போலதான தார்ச்சாலை

இரண்டிற்கும் நடுவாய் வகிடெடுத்துச்சென்ற போது,,,!

                  _____________::          :: 🍂🍂🍂🍂