மறக்க முடியவில்லை

ஆமாம் தாயே
மறக்கஇயலவில்லை .
கருங்கல் உரலில்
நீ இடித்துத் தந்த
எள்ளுருண்டையின் சுவையை.
ஆமாம் தாயே
மறக்கஇயலவில்லை .
துவரங்காய் பறித்து
அவித்துத் தந்த நாட்களை.
ஆமாம் தாயே
மறக்க இயலவில்லை.
உளுந்தம்காயும் தட்டாம்பயறும்,நிலக்கடலையுமாய்
நீ நிலத்திடமிருந்து
வாங்கித் தந்த நாட்களை.
ஒவ்வொன்றின் அறுப்பிலும்
ஒவ்வொரு சுவையும்,வாசனையும்
உணர்த்தி மறைந்து போன
உன்னையும்,
வீட்டுமனைகளாகிப் போன
விளை நிலங்களையும் மறக்கமுடியவில்லை.