முன்புபோலெல்லாம் இல்லை
இப்போது,
என்கிற மனச்சமாதானத்துடன்தான்
மத்தியான கஞ்சியை
குடித்து எழுந்திருக்கிறார்
ராசு அண்ணன் ,
யார் காட்டுக்கு உழவுக்குப்போனாலும்/
அம்மா சாப்பாடு,அம்மா சாப்பாடு என
அடிவயிறு கூச்சலிட,கூச்சலிட
அம்மாவின் பரிதாப பார்வையையும்
அழுதமுகத்தையும் பார்த்து
பச்சைத்தண்ணீரை அள்ளிக் குடித்து
வயிறுநிரப்பிய சிறு பிராயம்
மனதில் நிழலாட ........
அப்படியெல்லாம் இல்லை இப்போது ,
என் மனைவி ஏதாவது ஒரு கூலிவேலை
நான் மண்கீறிய உழைப்பு
என நகர்கின்ற நாட்கள்
முன்பு போல் பட்டினி சுமந்துஇல்லை .
என்கிறமனசமதானதுடனும்
தெம்புடனுமாய்
மதியானக் கஞ்சியை
குடித்து எழுந்திருக்கிறஅவர்
தனது வாரிசுகளைப் பற்றி
நினைத்து வருந்தாமல் இல்லை.
No comments:
Post a Comment