சிக்கி முக்கிக்கல்லு,,,,,,,

          கையிலெடுத்த கல்லை எதன்

மீதும் எறிய பிரியமற்று கீழே         

போட்டு விடுகிறேன்.

கருப்பும்,ப்ரௌனும் வெள்ளையுமாய் 

மேய்கிற கோழிகளும்,அவை 

கிளறிய குப்பைகளும்,மண்ணும் 

அதில் நெளிகிற புளுக்களும் 

என் கவனம் ஈர்க்காமல் 

இருந்தது இல்லை. 

தூரத்தில் செல்கிற பால்க்காரரின் 

சைக்கிள் மணி சப்தமும், 

தண்ணீர் லாரியின் ஓசையும் 

காதை எட்டித்தொடாமல் இல்லை. 

நேற்றிரவு 11.00 மணி கடந்த வேளையில் 

தொலைபேசியில் பேசிய நண்பனும், 

மறுநாள் காலை 5.00 மணிக்கு 

கை பேசியில் அழைத்த தோழரும் 

நட்பு கொண்டு பேசுகிறார்கள் 

அதன் எல்லைக்குள் நின்று கொண்டு/ 

மகளுக்கு திருமணம் முடித்து விட்ட 

திருப்தியை முகத்தில் காட்டிக்கொண்டு 

பேசிய எதிர் வீட்டுக்காரர். 

வீட்டின் கொல்லையிலிருந்து 

பார்த்தால் தெரிகிற பின் வீட்டின் 

தட்டி அடைக்கப்பட்ட பாத்ரூம். 

எங்கு பார்த்தாலும் எப்போது பார்த்தாலும் 

வாய் நிறைய பேசி மிகவும் ஒட்டுதலாயும்,,

வாஞ்சையுடனும் இருக்கிற தோழர். 

இரு சக்கர வாகனத்தின் 

பின் டயரை மாற்ற வேண்டும் கண்டிப்பாக 

என வந்து போகிற நினைவு/ 

திடீரென பணியிட மாறுதல் 

செய்து விட்டால் பையனின் படிப்பு, 

குடும்பம்,,,,,,,,,,,,,என இன்னும்,இன்னுமாய் 

நிறைந்து வருகிற யோசனைகள். 

அலுவலகம் செல்லுகையில் 

சீக்கிரம் சென்று விட்ட பேருந்திற்காய் 

ஏக்க பெரு மூச்சு விடும் நான். 

மதியச்சாப்பாடு கொண்டு போகாத தினத்தில் 

மரணவிலாஸ் ஹோட்டலில் சாப்பிட்ட 

வேகாத புரோட்டா,நன்றாக இல்லாத டீ, 

அம்மாவின் உடல் நலம், 

என்னின் அலுவலகப்பணி, 

மனைவியின் கூடிப்போன வீட்டு வேலை,,,,,,,, 

என இன்னும்,இன்னுமான 

தொடர்பற்ற சிந்தனைகளுடன் 

பயணிக்கிற எனது அன்றாடங்கள்/