வேகமெடுத்து,,,,,

அவள் பயணித்துக்கொண்டே இருக்கிறாள்.

தனது நெடிய கால்களில் உரமேற்றியபபடியும்

எங்காவது ஏதாவது ஒரு காரணத்தை முன்னிட்டுமாய்/

அவளது பயணங்களில் எதிர்படுகிற மனிதர்கள்

உறவினர்களாகவும்,அக்கம் பக்கத்து வீட்டுகார்களாகவும்,

பிள்ளைகளாவும் மட்டுமே இருக்கின்றனர்.

அவளது பயணம் மிகவும் குறுகியதாகவே/

காலையில் எழுந்ததும் தெரு முனை

காய்கறிக்கடைக்குப்போகிறாள்,

பின் பால் வாங்க,பின் மகன் வீட்டிற்கு,

பின் பேரக்குழந்தையை தூக்கிக்கொண்டு

திரும்பவுமாய் கடைக்கும்,உடல் நலமில்லாத கணவனுக்கு

மருந்து வாங்கவுமாய் சென்று வருகிறாள்.

எப்போதாவது தோன்றினால் மினி பஸ் ஏறி

 நகரத்திற்குள்ளாய் போய் வருவாள்.

கோயிலுக்கும்,பஜாருக்குமாய்/

குறிப்பிட்ட எல்லைகலைகளுக்குள் அடங்கி விடுகிற

வரை படம் போலான அவளது பயணம்

தினந்தோறுமாய் நடந்து கொண்டுதான் இருக்கிறது

ஒரு குறிப்பிட தூரத்திற்குள்ளாகவும்.

சிறிய அளவிலான எல்லைக்குள்ளாகவும்

அவளது முதிய வயதில்/